فك شفرة التعطيل لإستحقاق التوفيق

"أربع أنواع للتعطيل في حياتك... اعرف السبب واعرف الحل"

فيه معلومة مهمة جدًا لازم تحطها حلقة في ودنك، ويمكن تكون دي أهم معلومة تعرفها في حياتك كلها. أربع أنواع من التعطيل ممكن يحصلوا في حياتك، وكل واحد فيهم ليه سبب مختلف وحل مختلف. واللي مش هايعرف يشرح لك الكلام ده بالتفصيل ده... هو أنا!

1. التعطيل اللي سببه نفسك

أول حاجة، فيه تعطيل بيكون سببه الوحيد هو "إنت". يعني إيه؟ يعني لما تكون بتعاني من التدمير الذاتي، أو عندك واحدة أو أكتر من أسباب المقاومة الداخلية اللي شرحتها في محاضرة "فك شفرة التوفيق". ببساطة، إنت اللي بتقف قدام نفسك! من هنا 👇

https://youtu.be/DbPSiNbXHYU?si=Mt6395pOW0qX9jrs

2. التعطيل بسبب السحر أو الحسد

ده بقى بتعرفه إزاي؟ لما تتأكد إنك خالي من التدمير الذاتي، ومش واقع في ذنوب كبيرة، ومستغفر عن أي حاجة فاتت... ومع ذلك، بتلاقي فيه تعطيل مستمر. كمان، بيظهر ليك في الأحلام علامات زي التعبان، أو المقابر، أو العين الحسودة. الحاجات دي مش مجرد خرافات، دي مؤشرات!

3. التعطيل بسبب الذنوب

عارف الذنوب الصغيرة اللي ممكن تكون فاكرها بسيطة؟ زي الغيبة والنميمة؟ الذنوب دي لما تتجمع بتأذيك أكتر من الكبائر. الغيبة مثلًا، مش بس ذنب، دي سبب رئيسي للتعطيل، وبتأذيك بطريقة مرعبة. ممكن تلاقي نفسك متعطل سنة، سنتين، أو حتى أكتر، بسبب حاجة فاكرها "عادية". وكمان فيه ذنب زي الإجهاض، اللي عقوبته الدنيوية ممكن توصل لعشر سنين تعطيل عن النجاح، الراحة، والسعادة. كل ذنب ليه أثر، بس دي من أخطرهم.

4. التعطيل بسبب التوقيت الإلهي

آخر نوع من التعطيل هو لما تكون خالي من كل الأسباب اللي فاتت، عامل كل اللي عليك من سعي ودعاء، لكن طلبك لسه متحققش. هنا بيكون السبب إن التوقيت الإلهي لسه مجاش. ربنا عنده حكمة في كل حاجة، ولو ماجاش الإذن منه، كل مجهودك مش هايوصلك لحاجة.

---

الحل؟

ابدأ بنفسك، قومها، وتخلص من التدمير الذاتي. حصّن نفسك ضد الحسد والسحر، واستغفر عن أي ذنوب مهما كانت صغيرة. بعد كده، ابذل كل الطرق الصح في السعي، وخليك واثق إن تعبك مش بيضيع عند ربنا. التوفيق محتاج سعيك، بس اختيار توقيت التنفيذ مش دورك... دورك هو الصبر واليقين.

ده مش مجرد كلام، دي وصفة علاجية كاملة لأي تعطيل في حياتك. طبقها، وخدها كهدية مني لسنة جديدة كلها إنجاز ونجاح.